Ripui chu Ṭampuiin a Zui Ngai

Ripui chu ṭampuiin a zui ngai iti hih Biate thuvar idik kum-thla rivel thurchi luiin a ne inrisei a nit a. Biate ram neh nam dingmun khomah a thlung indikna ai om a nit (lei sut mai ei ta). Ei ram neh nam in lungzingna rikhel tiana a lei itonghei isir khom lungnat i-om an i-om a nit.

Rammual rizat khomah “History has taught us that while we’re focused on one crisis, another is just around the corner” iti a nit a. Atunlai ripui sika vuani tena nuai ringa chungin ringna ei ichan tak dingmun a hin Ripui hin Ṭampui a thlun thiai la titakno khom ei la, intakna lian dang dang chu a thlun thiaia. Sinthona neh mafonna lam tinrengah a irngam angkan ai om a nit.

Sap ṭonga “crisis” hin ripui khela intakna lian dang arkok sa thei a. Rammual rizat ah ridoina, ram buaina sika intakna lian tak tak isik an om iti ei riata, abikin riseilai heiin an riseina an isunzom thei khai ino a nit.

	Pathian Thu a sun nungkhona chu nin la iriat ngai ino la riang nin ti iti hi "Ripui chu Ṭampuiin a Zui Ngai" iti neh “History has taught us that while we’re focused on one crisis, another is just around the corner” iti hei neka inthuk neh huap ilian uala la thlung rang a irkok a nit. Hi angkan atunlai rammual a hin intakna lian (crisis) hih rammual kiltinah an risik rem rumin miriam naihei ei lunginzing zoi tak iti ei iriatin ei imu a nit. Ithoia ei Pathian isam zoro chu ai nit titak tak a nit.